Baş səhifə » 2013 » Aprel » 25 » Şeyx Useymin:"Tövhid məsələsində Cahiliyin üzrlü olması" -video+mətn-
14:43
Şeyx Useymin:"Tövhid məsələsində Cahiliyin üzrlü olması" -video+mətn-
Şeyx Useymin
"Tövhid məsələsində Cahiliyin üzrlü olması"
Görürəm ki, cahilliyə görə təkfir etmək məsələsi hələdə sizə qaranlıq qalmaqdadır. Lakin mən təəccüb edirəm ki bu məsələ sizə necə qaranlıq qalır?!
İslamın digər ərkan və vaciblərindən nə ilə fərqlənir ki, bu sizə qaranlıq qalır?! Bir halda ki bir insan namazı tərk etdiyinə görə üzrlü hesab olunursa,
halbuki namaz islamın rükunların biri sayılır. Misal olaraq şəhərlərdən,
elmdən uzaq yerdə yaşayanı qeyd etmək olar. Belə insan namazın
vacibliyini bilmirsə o halda üzürlü sayılır, ona vacib olmur və qəza
etməsi tələb edilmir.
Əgər şirk barədə cahilliyə görə insan
üzürlü sayılmasaydı, Peyğəmbərlər öz qövmlərini dəvət etməyə nə üçün
göndərilirdi?! Əgər onlar cahilliklə üzürlü sayılmasaydılar demək ki,
onlar haqqı bilirdilər. Elə isə peyğəmbərlər niyə göndərilirdi. Hər
peyğəmbər öz qövmünə "Allaha ibadət edin, sizin Ondan başqa ilahınız
yoxdur!” deyirdi.
”Səndən əvvəl elə bir peyğəmbər göndərmədik
ki, ona: "Məndən başqa heç bir ilah yoxdur. Buna görə də yalnız Mənə
ibadət edin!” – deyə vəhy etməyək.” (əl-Ənbiya: 25) Əgər bir insan
islama nisbət olunur və sonra kufr və ya şirk edirsə, etdiyinin şirk
olduğunu bilmirsə, heç ona bu haqda xəbərdarlıq da edilməyibsə, biz ona
necə deyə bilərik.
Məgər biz bu hökm barədə Allahdan daha çox
bilirik?! Məgər biz Allahın bəndələrinə olan mərhəmətinə mane ola
bilərik?! Məgər deyə bilərikmi ki, bu məsələdə Allahın qəzəbi
mərhəmətini üstələmişdir?! Qardaşlarım bu məsələ əqli məsələ deyil,
küfr, fasiqlik, bidətçi hökmləri şəriət hökmləridir və bunlar yalnız
şəriətdən götürülür. Uca Allah buyurur: "Hər kəs özünə doğru yol
aşkar olandan sonraPeyğəmbərdən üz döndərib möminlərdən qeyrisinin
yoluna uyarsa, onun istədiyi (özünün yönəldiyi) yola yönəldərik...”Nisa: 115
"Allah bir tayfanı doğru yola yönəltdikdən sonra qorxub çəkinməli
olduqları şeyləri özlərinə bildirmədən onları (haqq yolundan)
sapdırmaz!...” Tövbə: 115
"...Biz, peyğəmbər göndərməmiş(heç bir ümmətə) əzab vermərik!” İsra: 15
Peyğəmbəri sallallahu aleyhi və səlləm nə üçün göndərildi? Göndərirdi ki, açıqlasın, tövhidə
dəvət etsin. Əzab verilmirsə üzür elə budur. Bu haqda ayələr çoxdur.
Peyğəmbər sallallahu aleyhi və səlləm deyir: "Nəfsim əlində olana and olsun ki, bu ümmətdən istər
yəhudi, istərsə xaçpərəst olsun - mənim haqqımda eşidər, sonra mənim
gətirdiyimə iman gətirməzsə mütləq cəhənnəm əhlindən olar.” Burada
"mənim haqqımda eşidər” deyilir. Əgər eşitməsə necə olacaq? Cəhənnəm
əhlindən olmayacaq. Buna şahidlik edəcək sübutlar çoxdur. Bəli bəzi
alimlər bunu (cahilliyin üzürlü olmadığını) deyiblər, amma bu zəif
görüşdür. Alimlər bunun əksini deyirlər. Alimlər "insan küfrdə
cahilliklə üzürlü sayılmır” sözünün əksini deyirlər.
Şeyxulislamın sözlərində bu haqda çoxlu məlumat vardır ki, bu halda
kafir olmur. Şeyx Muhəmməd ibn Əbdülvahhab da həmçinin deyir ki, cahil
kafir olmur. İndi isə mən sizə şeyxin bəzi sözlərini oxuyacağam. İbn
Teymiyyənin isə bu haqda sözləri çoxdur. Siz "əl-Fətava” kitabına baxa
bilərsiniz. Orada bu haqda çoxlu məlumat vardır. Allah nəzdindən hökm
birdir. .
Cahilliyindən dolayı namazı tərk edirsə üzürlüdürsə,
cahilliyindən dolayı bütə səcdə edirsə necə üzürlü sayılmır?! Nə fərqi
var?!
O ki qaldı bəzilərinin iddiasına "biz zərrə qədər olanda
Allah bizdən əhd almışdır...”, bu hədisin səhih olmasını fərz etsək də,
biz insanlara belə bir misal məlum deyil. Biz bilmədiyimiz bir işə necə
mükəlləf ola bilərik. Əgər bu hüccət olsaydı o zaman insanları Allaha
ibadət etməyə çağırmaq üçün elçilərin göndərilməsinə ehtiyac olmazdı.
Çünki (elə çıxır ki,) bu halda əvvəlcədən hüccət çatdırılıb.
Mən doğrudan da təəccüb edirəm ki, siz bu məsələni dərk etməmisiniz. Bu
elə bir məsələdir ki, başqa məsələlərdən heç nə ilə fərqlənmir. Kim desə
ki, "əsas məsələləri tərk edən kafir olur, furu məsələləri tərk edən
kafir olmur!” – Şeyxulislam belələrinə (dediklərini sübut etmək üçün)
iddia qaldırıb demişdir: Deyin görək usul nədir, furu nədir?! Dini usul
və furuya kim bölmüşdür?! Bunu kəlam əhli bölmüşdür. Misal olaraq, onlar
feli ibadət olduğu üçün namaz kimi böyük məsələni furu hesab edirlər.
Halbuki namaz dinin ən böyük əsaslarından biridir.Əhli sünnənin ixtilaf
etdiyi bəzi xəbəri məsələləri isə usul hesab edirlər, halbuki bu
məsələlər ixtilaflıdır. Önəmlisi budur ki, biz bu kimi məsələlərə
ehtiyatla yanaşaq, xüsusən də təkfir məsələsinə. Allahın təkfir etmədiyi
bir şeyə görə bəndələrini təkfir etməyək. Şexulislam Muhəmməd ibn
Əbdülvahhabdan nəql etdiyim sitatları isə indi sizə oxuyacam.
Birinci: Rəhiməhullah hər bir müsəlmana ünvanladığı yazısında deyir:
"Allaha şükürlər olsun ki mənim etiqadım, Allah qarşısında itaət etdiyim
din əhli sünnə və camaat etiqadıdır...” sonra şex sözlərinə davam
edərək cild 1, səh 51-də deyir: "mən yalnız, Peyğəmbərin (Ona və
ailəsinə Allahın salavatı və salamı olsun) dinini dərk edib bundan sonra
onu söyəni, insanları ondan yayındıranı və bu dinə riayət edənləri
düşmən görən kimsələri kafir sayıram...” 56-ci səhifədə isə iraqlı bir
alimə məktubunda eyni sözləri yazır. 65-ci səhifədə isə bir sualın
cavabında deyir: "Biz yalnız alimlərin ittifaq etdikləri məsələlərə görə
kiməsə kafir deyirik.Bu da şəhadət kəlməsidir.Həmçinin biz şəhadət
barəsində kiməsə haqqı bəyan etdikdən sonra onu inkar edəni kafir
sayırıq.” Daha sonra 66-cı səhifədə deyir: "Bizə qarşı atılan yalan və
böhtanlara gəldikdə isə onlar deyirlər ki, guya biz ümumi şəkildə
camaata kafir deyir, (digər ölkələrdə) yaşayıb dinini rahat şəkildə
yaşayanların bizim torpaqlara hicrət (köç) etməsini vacib sayır, kiməsə
kafir deməyəni kafir sayır, döyüşlərdə iştirak etməyənləri kafir sayırıq
və s. bu kimi məlumatlar yalandır, böhtandır. Bu söz-söhbətləri
yayanlar bununla insanları Allahın və rəsulunun dinindən yayındırmaq
istəyirlər. Biz, cahilliyi və bixəbər olması ucbatından Əbdülqadirin,
Əhməd əl-Bədəvinin və bu kimi qəbirlərin üzərində ucaldılan bütlərə
ibadət edənlərə kafir demirik. Necə ola bilər ki, bizim torpaqlara
hicrət (köç) etməyən, kiməsə kafir deməyən, döyüşlərdə iştirak etməyən
Allaha şərik qoşmayan insanlara kafir deyək?!”
Bu aydındırmı,
görürsən şeyx deyir ki, "cahilliyi və bixəbər olması ucbatından
Əbdülqadirin, Əhməd əl-Bədəvinin və bu kimi qəbirlərin üzərində
ucaldılan bütlərə ibadət edənlərə... bizim torpaqlara hicrət (köç)
etməyən, kiməsə kafir deməyən, döyüşlərdə iştirak etməyən Allaha şərik
qoşmayan insanlara kafir deyək?!” Şeyxulislam ibn Teymiyyənin
bundan daha aydın və daha böyük sözləri vardır ki, (hökm vermədən öncə)
hüccət mütləq çatdırılmalıdır. Uca Allahın rəhməti qəzəbindən üstündür.
Bilməyən insanı necə məsuliyyətlə yükləmək olar?! Bir insan elə
fikirləşir ki, bu övliyaya ibadət etmək Allaha yaxınlaşdırır, o
müsəlmandır, özünü müsəlman hesab edir, özünü müsəlman saymayan, başqa
dinə nisbət edənləri kənara qoyun, bu başqadır. Onların hökmü fətərat
əhlinin hökmündədir. Lakin bir insan islamı dini qəbul edir, namaz
qılır, şəhadəti deyir, oruc tutur, zəkat verir, həcc edir, eyni zamanda
bütə ibadət edir və heç kəs də ona bu əməlinin şirk olmasını deməyibsə
bu cahilliyindən bunu edir. Amma əgər bir insan islama daxil olmayıb,
başqa dinə etiqad edirsə heç şübhəsiz ki, o kafirdir. Yaxud islam daxil
olmayıb dədə babasının dinindədir islamdan heçnə bilmir, özünü islama
nisbət etmir, başı dünyaya qarışıb – daha doğru rəəyə görə beləsi
fətərat əhlinin hökmündədir. O qiyamət günü Allahın istəyi ilə imtahan
olunacaq daha sonra hara gedəcəyi bəlli olacaqdır. Bu məsələ haqqında
çatdırmaq istədiyim bunlar idi. Məsələnin əsasını hüccətin çatması
təşkil edir.” daha insanlar üçün peyğəmbərlərdən sonra Allaha qarşı bir
bəhanə yeri qalmasın.” (nisa 165) Əgər peyğəmbərin çatdırdığı haqqı
bilmirəmsə nə faydası var?! Belə halda peyğəmbər gəlməmiş insanla mənim
halım eynidir. Bu məsələnin əsasında qardaşın sualının cavabı verilmiş
olur.
Sual: Əgər bir kimsə yaşadığı toplumda öz "alimləri” tərəfindən aldadılırsa halı nədir?!
Şeyx: Əgər onlar haqq dəvətçisini eşidirlərsə üzrlü hesab olunmurlar.
Belələri səhlənkarlıq edirlər. Biz onların küfr edib etmədiklərinə hökm
verə bilmərik. Amma deyə bilərik ki, onların bu səhlənkarlıqları
asilikdir. Onlara vacib olan budur ki, etibar etmədikləri insanlar –
çünki onlar bu dəvətçilərə inanmır, öz alimlərinə inanırlar - onlara bu
şirkdir deyəndə gərək onlar haqqı axtarmalıydılar. Onlar
axtarmadıqlarına görə günah daşıyırlar. Onlar cəhalət anlamındakı
hökmdədirlər. Yəni, onlar müsəlman sayılırlar. Ola bilər ki belə
deyilsin: onlar səhlənkarlıq etdikdə üzrlü hesab olunmurlar. Çünki haqqı
axtarmaq onlara vacibdir. Zənnimcə Şeyxulislam rahiməhullah deyir ki,
onlar haqqı axtarmaqda səhlənkarlıq edirlər, amma onlara kafir hökmü
verilmir. Mən bunu zənn edirəm ki belə deyib. İbn Teymiyyənin bu sözünü
dəqiqləşdirmədən nəql etməyin.
(Diqqət: şeyx burada çox güman fətava 7/242-yə işarə edir. İbn Bəzin təliqi ilə.)
Sual: Şeyx tövhid elmini öyrənmək vacib deyilmi?
Şeyx: Əlbəttə ki, vacibdir. Lakin şirk edən bu insanlar etdiklərinin
tövhidə zidd olduğunu bilmirlər.Əksinə onlara deyilir ki, bu (şirk) elə
tövhiddir, sizə fayda verən budur.