Baş səhifə » 2013 » Aprel » 26 » Saleh Ali Şeyx:"Namaz qılmayanı təkfir və hökmləri tətbiq etmək eyni deyil" -video+mətn-
06:47
Saleh Ali Şeyx:"Namaz qılmayanı təkfir və hökmləri tətbiq etmək eyni deyil" -video+mətn-
Saleh Ali Şeyx
həfizəəhullah
TƏKFİR etmək hər uşağın işi deyil! Alimin, qazinin, müftinin işidir!!! TƏKFİR şərtlər və maneələr əsasında edilməlidir.
Namaz qılmayanı təkfir edənlər buna aid hökmləri tətbiq etməsinlər.
Yalnız bütün ümmətin yekdilliklə qəbul etdikləri əsaslara görə təkfir edilməlidir, ixtilaflı məsələlərə görə yox.
Ona görə elmdə püxtələşmiş, Quranı, sünnəni və ümmətin sələfinin hansı
yolda olmasını düzgün başa düşərək TƏKFİR dairəsini çox
genişləndirmirlər, əksinə bu məsələni isbat etmək asan iş olmadığı üçün
təkfir dairəsini daraldırlar.
Raşid: Hökmləri də tətbiq edilir?
Hökm verildikdən sonra şərii əhkamları, ailə əhkamlarını və.s tətbiq
edirlər. Hətta elələridə vardır ki, bəzi ixtilaflı məsələlərə görə
əhkamları da tətbiq edirlər. Məsələn NAMAZI TƏRK ETMƏK MƏSƏLƏSİ. Məlum
olduğu kimi, elm adamlarının bir neçə rəyindən bizim qane olduğumuz rəyə
görə tənbəllik və ya laqeydlik üzündən namazı tərk edən kimsə küfr
edir. Buna əsas verən aşağıdakı hədisdir:
- Kim namazı tərk edərsə küfr etmiş olar.
Bildiyiniz kimi bu məsələ ixtilaflı məsələdir. Şafii, Hənəfi və digər
məzhəb alimləri belə insanı kafir hesab etmirlər. Əmma bəziləri bu
məsələdə bir qədər dərinə varıb: " kim namazı tərk edərsə onun nigahı
ləğv edilir, digər hökmlər tətbiq olunur" - və.s kimi rəylər
söyləmişlər. Əmma bu heçdə yaxşı hal deyil. Çünki hökmlər 2 halda tətbiq
edilir:
1. İttifaq edilmiş əsaslarla. 2. Yaxud şərii rəhbərin və ya qazinin hökmü ilə.
Çünki ona hökm vermək üçün şübhəsinin dəf etmək lazımdır.
Ona görə fiqh alimləri, hətta hənbəli məzhəbinin alimləri namazı tərk
edənin nə zaman küfr etməsi və ona nə zaman hökm kəsildiyi haqqında
danışarkən demişlər:
- Belə insanın tövbə etməsi və namaz
qılması tələb olunur. Əgər o digər namazın vaxtı girənə qədər namaz
qılmaqda israr edərsə o zaman rəhbər və ya onun köməkçisi onu öz yanına
çağırıb tövbə etmək üçün üç gün möhlət verməlidir. Əgər tövbə etsə heç,
əks halda isə qətlə yetrilir. Demək qazi bir nəfərə üç gün müddətində
möhlət verir və onun namaz qılmasını tələb edir. Bu müddətdə heç bir
yozum yeri qalmasın deyə onun şübhəsini dəf edir və "üç gün ərzində
namaz qılmasan qılınc görəcəksən" deyərək ona müraciət edir. Sonra hımin
adam bu sərt cəzanı namazdan üstün tutur. Belə halda bu onun nəfsində
olan bir məqamı aşkarlayır. Belə çıxır ki, həmin insan əslində namaza
nifrət edir və ya namazı inkar edir. Yaxud da həmin insanın namaz
barəsində şəkk-şübhəsi yoxdur. Sadəcə olaraq bu təkəbbürlükdən və şərii
qayda-qanuna asi olmaqdan irəli gəlir.
Mən bununla demək
istəyirəm ki, Sələfi dəvətinin alimləri şərtlər və maneələr məsələsini
xüsusi olaraq açıqlamışlar. Onlar fiqh alimlərinin verdikləri bir çox
hökmləri qaydalar çərçivəsinə salmışlar. Ona görə islahatçı şeyx
Muhəmməd ibn ƏbdülVahhabın dəvətinə nisbət edilən və düşmənləri
tərəfindən "Vəhabilik dəvəti" deyə adlandırılan bu dəvət dörd məzhəb
alimlərinin fiqh kitablarında mövcud olan hökmləri dar çərçivəyə salmış,
bu hökmləri təkfir məsələsində genişləndirməmişlər. Əksinə bu dəvətdə
məzhəb alimlərinin yekdil rəylə təsdiqlədikləri görüşlər önə çəkilmiş,
ixtilaflı məsələlər kənara qoyulmuşdur. Şeyx Muhəmməd ibn ƏbdülVahhabın
bu xüsusda bir kitabıda vardı. Həmçinin Şeyx Abdullah ibn Muhəmməd ibn
ƏbdülVahhabın da bu mövzuda kitabı vardır. Ümumiyyətlə dəvət alimləri,
İbn Teymiyyə, İbn əl-Qeyyim və digər elm adamları (Allahın Onların
hamısına rəhmət etsin) bu mövzuda geniş açıqlamalar vermişlər.
DEMƏK BU MƏSƏLƏDƏ ŞƏRTLƏR VƏ MANEƏLƏR VARDIR Kİ, ONLARI TAM NƏZƏRƏ
ALMAQ LAZIMDIR. YALNIZ İTTİFAQ EDİLMİŞ ƏSASLARLA TƏKFİR EDİLƏ BİLƏR.
Məqbul sayılan yozuma əsaslanaraq yozumlu düşünən insana nəzər salaq.
Əks tərəf onun barəsində düşünür ki, onun əməli, sözü və ya hərəkəti
küfrdür.
Məsələn, indi gəlin xəvariclərə baxaq. Onlar, Osman
ibn Əffanı (radiyallahu anhu) və Əli ibn Əbu Talib (radiyallahu anhu)
qətlə yetirmiş, müsəlmanlara qarşı döyüşmüş, bu günə qədər fitnə-fəsad
törtəməklə ağır cinayətləri törətmişlər. Alimlər onların kafir
olub-olmamaları barədə ixtilaf etmiş və iki rəy söyləmişlər. Əli ibn Əbu
Talib (radiyallahu anhu) onlar barəsində:
- Onlar kafirdilərmi? deyə soruşularkən demişdi: Onlar elə küfrdən qaçıblar.
Yəni bu məqamda Əli (radiyallahu anhu) onların səhv yozumlu
düşüncələrini nəzərə almışdır. Qısası deyilən şərtlər və maneələrin
mövcudluğu labüddür. Və hər hansı insana hökm vermək üçün təkfirin bütün
şərtləri və maneələrini əhatə etmək lazımdır. Bu iş sıravi insanların
öhdəliyinə düşən bir iş deyil. Bu, qazinin, yaxud qazini əvəz etmək
bacarığı olan müftinin səlahiyyətidir.