08:39 DAİMİ FƏTVA KOMİTƏSİ-nin Azərbaycandakı bəzi cavanlara nəsihəti. | |
DAİMİ FƏTVA KOMİTƏSİ-nin Azərbaycandakı bəzi cavanlara nəsihəti. Allaha həmd olsun. Bu günlərdə sosial şəbəkələrdə çox hörmət edilən, fətvaları etibarlı hesab edilən qurumlardan biri olan Daimi Fətva Komitəsinə aid edilən vərəqlərin təsvirləri yayılır. Həmin yazıda əks olunan fətvada böyük alimlərin müxalifllərə və fitnəyə səbəb olan kəslərə nəsihəti əks olunub. Həmin Fətvadan bəzi hissələri sizin nəzərinizə çatdırırıq. Fətvada deyilir ki, Daimi Fətvalar Komitəsi istər Azərbaycanda, istərsədə digər yerlərdə olan elm tələbələrini bir olmağa və haqq üzərində birləşməyə çağırır. Əlhəmdulilləh, Allah sələfi alimləri qorusun, onların elminə bərəkət versin. Ümid edirik ki, bu fətvadan sonra xətaya düşərək səhv hərəkətlərə yol verən tələbələr öz əməllərinə tövbə edəcək və sələfi camaatına qoşulacaqlar. Allah hər şeyə qadirdir. Fətvada deyilir: “Əqidədə ixtilaf etmək icazəli deyil, fiqhi məsələrdə olan ixtilaf isə doğru düzgün qaydalar, əhkamlar tətbiq olunduğu halda və təəsübkeşlik edilmədiyi halda parçalanmaya gətirib çıxarmaz. Hətta səhabələr və onlardan sonra gələnlər fəzilətli nəsillər belə öz aralarında FİQHİ məsələlərdə ixtilaf ediblər, lakin bu onların parçalanmasına gətirib çıxartmamışdır ”. Fətvada həmçinin alimlərə, elm əhlinə hörmət etmək tövsiyyə olunaraq, onlara hörmətsizlik etməkdən, alçaltmaqdan isə çəkindirildi. Daimi Fətvalar Komitəsi təkidlə tövsiyyə edir ki, alimlərə ehtiram bəslənilsin. Onlara dil uzatmaq, insanların gözündə alçaltmaq, camaat arasında onların elmlərinə şübhə salmaq çox təhlükəli əməllərdəndi. Alimlərin əti zəhərlidir. Bu və digər xətaları nəzərə alaraq Daimi Fətva Komitəsinin fətvası çox yerində gələn bir cavabdır, əlhəmdulilləh. Allahdan istəyirik ki, bu fətvanı faydalı eləsin, həmin xəta edənlərin tövbə edib sələfin mənhəcinə dönmələrinə səbəb etsin. Müsəlmanları Quran, Sünnə və sələfin fəhmi üzərində birləşdirsin. Allaha and olsun ki, əhli-sünnə insanlar üçün islah istəyir, onların haqq üzərində olmaları üçün çalışır. Allah Təalə hamını xeyrə müvəffəq etsin. Yazının aşağı hissəsində fətvanın tərcümə olunan hissəsinin şəkli qoyulacaq inşallah. Sonda aləmlərin Rəbbi olan Allaha həmd olsun.
| |
Bölmə: Sələfin Mənhəci | Baxılıb: 657 | |