00:17 Azərbaycandakı məscid ölkədə ən hündür ibadət evi olacaq. -video+şəkillər- | |
Azərbaycandakı məscid ölkədə ən hündür ibadət evi olacaq. Paytaxtın Binəqədi rayonunda yeni məscid kompleksinin tikintisinə start verilib. İbadət evi 9-cu mikrorayonda, Həmzə Babaşov küçəsində yerləşəcək. Prezident İlham Əliyevin avqust ayında verdiyi sərəncamla yeni məscid kompleksinin layihələndirmə və tikinti işləri Bakı Şəhər İcra Hakimiyyətinə həvalə edilib. Bu məqsədlə dövlət büdcəsindən, prezidentin ehtiyat fondundan ilkin olaraq 10 milyon manat vəsait ayrılıb. "Media forum” saytının əldə etdiyi məlumata görə, yeni məscid kompleksi eyni vaxtda 2000-dən çox adama xidmət edə biləcək. Birmərtəbəli tikilinin əsas binasının hündürlüyü 40 metr, minarələrinin hündürlüyü isə 60 metr olacaq. 4 minarəli ibadət evinin ölkədə ən hündür məscid statusu alacağı bildirilir. Məscidin əsas salonu 900 kvadratmetr, qadınlar üçün nəzərdə tutulan digər salon isə təxminən 350 kvadratmetr olacaq. Tikilinin zirzəmisi həm də avtomobil dayanacağı kimi istifadə ediləcək. Məscidin bir ilə təhvil veriləcəyi gözlənir.     Mənbə: http://mediaforum.az/ http://www.din.az | |
| Bölmə: Xəbərlər | Baxılıb: 1113 | | |